MUNTING PAMANA
Verse I:
Ginintuang aral, kagandahang asal
Kinamulatan yan ang pina-iiral
Kahit musmos pa lamang sa mura kong isipan
Hinubog na sa aking kaalaman
Payo ni Inay, hiling ni Itay
Pagsunod sa Diyos ang susi ng tagumpay
Wag lang daw hihiwalay sa salita ng buhay
Pagkat ito'y munting pamanang taglay
KORO:
Mula sa tahanan hanggang paaralan
Maging sa pamayanan ng ating lipunan
Madisiplinang bata kinagigiliwan, di ba?
Hanggang sa paglaki, huwaran ng bayan
Puhunan ng magulang pamanang iniwan
Masunuring bata, masunuring mamamayan
VERSE II:
Kapag makulit, ugali'y masungit
Pinapalong pilit; Aray ko! Ang sakit.
Umiiyak ng saglit, bawat mali tinuwid
Kaya ngayo'y may ngiti ang langit
(REPEAT CHORUS)
La-la-la-la La-la-la-la
Madisiplinang bata kinagigiliwan, di ba?
Hanggang sa paglaki, huwaran ng bayan
Puhunan ng magulang pamanang iniwan
Masunuring bata, masunuring mamamayan
Masunuring bata, masunuring mamamayan.
No comments:
Post a Comment